Мұғалімдер сайты
Алғашқы әскери дайындық
1 январь 2017
776
0

Азаматтық қорғаныстың хабарлау белгілері және әрекет ету тәртібіі,

«Сабақтың тақырыбы: Азаматтық қорғаныстың хабарлау белгілері және әрекет ету тәртібі

  1. Сабақтың мақсаты: Оқушыларға азаматтық қорғаныстың негізгі міндеттері мен мақсаттарын ұғындыру.
  2. Уақыты: 45 мин.
  3. Өткізілетін орны: 11 сынып, БӘД бөлмесі.
  4. Көрнекілік құралдар: АӘД оқулығы, интербелсенді тақта,плакаттар,маркерлер,доп,таратпа материалдар
  5. Сабақтың түрі: аралас (сындарлы оқыту  технологиясының элементерімен)
  6. Сабақтың барысы:

І. Ұйымдастыру кезеңі – 3 мин.

1)Взвод командирі оқушыларды сапқа тұрғызады, оқытушыға рапорт береді, амандасу, түгендеу, оқушылардың сырт көрінісін тексеру.

 

2) Сөздер арқылы 2 - топқа бөлу (химиялық және биологиялық қарулар)

 

ІІ.Үй тапсырмасын тексеру ( «Сұрақты ұстап ал» әдісімен)

Сұрақтар:

  1. Эвакуация деген не?,2. Эвакуация сөзінің мағынасы?,3. Эвакуация жүргізуге жауаптылар?,4. Халықты эвакуациялау тәсілдері?,5. Жарым-жартылай эвакуация деген не?,6. Эвакуацияланатын халыкты бір облыстың қауіпсіз аудандарына толық орналастыру мүмкін болмаған жағдайдағы әрекет,7. Бытыраңқы орналастыру деген не?,8. Осы заманғы зақымдау кұралдарын қолдану қауіпі төнген кездегі әрекет,9. Эвакуацияланған барлық халықты не істейміз?,10. Халықты эвакуациялау үшін жасалатын әрекет?,11. Өрт кезінде зардап шеккендерді іздеу және эвакуациялау жұмыстары қалай жүргізілуі тиіс?,12. Эвакуация жаяу ретпен жүзеге асырылған жағдайдағы қозғалыс жылдамдығы?,13. Эвакуацияға өзімен бірге алынатын тамақ өнімдері,14. Эвакуацияда заттардың ең қажеттілері,15. Медициналық эвакуация деген не?,16. Эвакуацияның ойдағыдай болуы?.

 

ІІІ.Үй тапсырмасын бекіту (бағалау парағына баға қойылады)

ІҮ. Жаңа тақырып

Бейбіт уақыттағы  және соғыс уақытындағы төтенше жағдайлар туралы хабарлау жүйесі

Әрбір   төтенше жағдайдың өз ерекшеліктері бар және халықтың қауіпсіздігін қамтамасыз ету үшін атқарылатын шаралардың нақты тізбесі бар. Сонымен қатар төтенше жағдайлар болған ретте  адамдарды қорғау үшін қолданылатын іс-қимылдың жалпы жиыны болады,оған күнілгері және төтенше жағдай болғанда тікелей жүргізілетін шаралар қамтылады.Күнілгері жүргізілетіндері: төтенше жағдайлардың шығындарын азайтуға бағытталған шаралар,төтенше жағдай болған кезде жүзеге асырылатын іс-қимылды жоспарлау,төтенше жағдайларда қолданылатын күш пен құралды  дайындау,халыққа төтенше жағдайлардағы құлық ережелерін үйрету,төтенше жағдайларда болуы мүмкін материалдық қор жасау. Халыққа хабарлау дегеніміз су басу,орман өрті,зілзала ,тасқын не басқадай дүлей апат туралы ескерту,болған апат не алапат туралы ақпарат беру. Бұл үшін байланыс,радио және теледидар құралдарының барлығы қолданылады.Уақыт –басты фактор. Төтенше  жағдайларда оны зая жіберуге болмайды.Адамдардың тағдыры осыған көп байланысты.

Оқу орындарындағы АҚ-тың негізгі құрамалары құтқару командалары болып табылады. Олар зардап шеккендерді іздестіру үшін, оларды үйінділер астынан және зақымдану ошағынан алып шығуға; үйінділерді тазалауға; құлап жатқан қорғаныш құрылыстарын ашуға; зақымданушыларға алғашқы дәрігерлік көмек көрсету мен оларды емдеу мекемелеріне тасымалдау үшін тағайындалады. Азаматтық қорғаныстың негізгі шараларының бірі бұл халықты  уақытылы хабарлау жүйесімен қамтамасыз ету. Төтенше жағдайларда ,қарсыластардың жаппай жоюқаруларын (ядролық,химиялық,биологиялық)және басқа да қазіргі заманғы жою қаруларын  қолданған жағдайларда азаматтық қорғаныстың хабарлау жүйесінің   дұрыс жұмыс істеуі маңызды. Хабарлау жүйесінің  маңызы қарсыластың күтпеген жерде жасаған шабуылы кезінде арта түседі.Өйткені ондай жағдайда әрбір минут қымбатқа түседі.Шетел баспасөзінің деректеріне қарағанда уақытында халықты хабарлау жүйесімен қамту және панажайлармен қамтамасыз етілуі,қарсыластың жаппай қырып-жою қаруларын қолданғаны туралы құлақтандырудан кейінгі 10-15 минуттан соң, адам шығынын 85 пайыздан 4-7 пайызға дейін азайтады екен.Сондықтан жаппай жою қаруларынан халықты қорғауда,панажайлар мен тасалардың саны емес,азаматтық қорғаныс штабтарымен жақсы ұйымдастырылған хабарлау жүйесі басты роль атқарады екен.

Хабарлау белгілері (сигналдары) азаматтық қорғаныс органдары мен халыққа уақытында төтенше жағдайлар туралы ақпараттарды дер кезінде жеткізуі аса маңызды.Бұл белгілер азаматтық қорғаныс штабтары қарауны орталықтандырылған түрде жеткізіледі.Жеткізу мерзімі бірінші рол атқарады.Жеткізу мерзімін неғұрлым қысқарту үшін барлық байланыс құралдарын кезексіз пайдалану оның ішінде радио,телевидения,арнаулы апараттар,дыбыс және жарық беру  белгілері (сигналдары) құралдары қолданылады.

Халықты қарсыластың жаппай қырып-жою қаруларын қолдануы мүмкін екендігін ескере отырып, азаматтық  қорғаныстың келесі хабарлау белгілері қойылды. Олар:  «Әуе  дабылы» «Әуе дабылының тоқтауы»; «Радиациялық қауіптілік» және «Химиялық дабыл».

Қаланың ,аудан орталығының азаматтық қорғаныс штабтарында пультпен басқарылатын  әр түрлі дабыл апаратуралары мен байланыс құралдары қойылуы мүмкін.Осындай құралдар арқылы  қаланың,ауданның басшы құрамымен халық шаруашылығы объектілерінің басшыларын құлақтандыру және жоғары тұрған штабтардан тапсырмалар алу , және азаматтық қорғаныс штабтары мен халыққа өз тапсырмаларын бере алады.

 

(Екі топқа жаңа сабақтың оқу сұрақтары мен  мәтіні таратылады, топ мүшелері мәтінді оқып постер қорғайды)

Оқу сұрақтары:

1.Хабарлау белгілерінің  тарихы.

  1. Хабарлау жүйесі туралы түсінік,хабарлама мазмұны.

3.Хабарлау белгілерінің түрлері,қызметі

4.Бейбіт ,соғыс уақытындағы хабарлау жүйесі

5.Улану аймақтарындағы халықтың іс-әрекеті

 

Ү.Жаңа тақырыпты бекіту (ББҮ кестесі бойынша және ВЕНН   диаграммасы) (бағалау парағына баға қойылады)  Хабарлау сигналдарынан  көрініс

ҮІ.  Қорытындылау,бағалау

ҮІІ. Үйге тапсырма. Зерттеу жұмысы:

 1-ТОПҚА 1.Хабарлау белгілері түрлері

  2-ТОПҚА 2.Хабарлау белгілерін қабылдаған соңғы іс-әрекет

-

 

 

 

Пікір беру