Мұғалімдер сайты
Дене шынықтыру
20 август 2015
6676
0

Эстафеталық ойындар

Эстафеталық ойындар
Қызылорда облысы
Қазалы қаласындағы Ғ. Мұратбаев атындағы
№17 орта мектебінің дене тәрбиесі пәнінің мұғалімі:
Өтеулиева Айнагүл

Сабақтың тақырыбы: Эстафеталық ойындар



Өтетін жері: Мектеп спорт залы
Сабақтың мақсаты:
1.Эстафеталық ойын түрлерін үйрету.
2.Оқушылардың шапшаңдылық дағдыларын жетілдіру.
3.Ойын арқылы балалардың дене қозғалысын қалыптастыру .
Сабақтың көрнеклігі: ысқырық, доп, эстафеталық таяқша, секіртпе
жіп, қап
Сабақ барысы:
I.Ұйымдастыру бөлімі.
II.Негізгі бөлім.
III.Қорытынды бөлім.
I. Ұйымдастыру бөлімі. Сапқа тұрғызу. Сәлемдесу. Кезекші рапортын тыңдау. Сабақтың тақырыбымен таныстыру.
Дайындық жаттығулары.
1.Басқа арналған жаттығулар. Алдымен басымызды оңға,содан кейін солға бұрамыз (4рет). Белімізге қолмызды қойып,сағат тілімен басымызды айналдырамыз.
2.Иыққа арналған жаттығулар. Белімізге қолымызды қойып, иығымызды алға 2 рет, артқа 2 рет қозғаймыз. Содан кейін иығымызды жоғары көтереміз (4рет).
3.Қолға арналған жаттығулар.
Қолымызды 1дегенде алға созамыз, 2 дегенде жоғары көтереміз,3дегенде екі жаққа созамыз,4дегенде қолымызды түсіреміз.(2рет қайталаймыз).
4.Белге арналған жаттығулар. Қолымызды белге қойып оңға(2рет), солға(2рет) иеміз. Белімізді сағат тілімен айналдырамыз(2рет).
5. Аяқ жаттығулары. Қолымызды екі жаққа созып аяқ өкшесімен тұрамыз (4рет). Орнымызда тұрып жәй секіреміз (4рет). Тепе-теңдікті сақтап жоғары көтеріліп,қайта түсеміз(4рет).

II.Негізгі бөлім. Оқушыларды бірінші-екіншіге санатып екі топқа бөлеміз. Топқа тез арада ат қойдыртамын. Ойын шартымен түсіндіремін.
1.Секіртпе жіппен серіру.(скакалка)
Сөре сызығының бойында тұрған 2 команда ойыншылары белгіленген жалаушаға дейін секіртпе жіппен секіріп барып,секіріп қайтады. Келесі ойыншыға секіртпе жіпті жылдам тапсыруы керек. Ойын осылай жалғасады.Қай команда жылдам секіріп келсе,сол командаға(10ұпай), келесі командаға(5ұпай).
2.Доп ұру.
Командалардың бірінші ойыншылары ойынды бастайды. Белгіленген жалаушаға барғанша,оң қолымен допты жерге соғып,ал келгенде допты сол қолымен жерге соғып алып келеміз. Ойыншылар бір-біріне доп беру арқылы ойынды жалғастырады.Қай команда бірінші келеді, сол командаға(10ұпай). Екінші командаға(5ұпай).
3. Қаппен секіру
Кедергілердің арсынан қаппен секіру. Екі команда ойыншыларының алдынан сөре сызығы сызылады. Топтың басында тұрған ойыншы қапшықты киіп дайындалып тұрады.
Ойынның мазмұны: Жетекші белгі бергесін қап киген ойыншылар жарысты бастайды. Ойыншы қаппен секіріп барып, қарсы тұрған қабырғаға қолын тигізіп, бастапқы қалыпқа қайтып келеді. Қапшықты келесі ойыншыға шешіп береді. Ойын осылайша жалғаса береді.
Ойын ережелері:
1. Ойын тек белгі берілгеннен кейін ғана басталуы керек.
2. секіруші ойыншы міндетті түрде қабырғаға қолын тигізуі керек.
3. Ойыншы секіріп өз орнына келгенше келесі ойыншыға сөре сызығынан шығуға болмайды.
4.Қасықпен су тасу.
Өтетін орын, қажетті құралдар: спорт алан, 3 стакан 3шелек 3 қасық.
Ойынға дайындық:Үш команда ойыншыларының алдына сөре сызығы сызылады. Топтың басында тұрған ойыншы дайын тұрады.
Ойынның мазмұны: жетекші белгі бергесін ойыншы шелектен қасықпен су алып стаканға су құяды.
Ойын ережелері:
1. Бұл ойында тек белгі бергеннен кейін ғана бастауға болады.
2. Қасықты қабылдамай тұрып ойыншыға сызықтан шығуға болмайды.
3. Бір ойыншыда бір - ақ мүмкіндік болады
5. «Кім жылдам»
Екі оқушы шеңбердің ішіне жүгіріп келуі қажет.
6.Бос орынды тап
Ортада 4 орындық тұрады .5 оқушы шығады. Музыка әуенімен билеп орындыққа үлгеріп отыру керек.
III.Қорытынды бөлім.
Оқушыларды сапқа тұрғызамын. Тыныс алу жаттығуларын жасатамын. Қай команда жеңіске жеткенін хабарлаймын.
ІV Үйге тапсырма беру.
Эстафеталық ойын түрлерін өз бетімен ізденіп,қалай ойнау керектігін біліп,үйреніп келу.
ІV Бағалау. Ойынға жақсы қатысқан оқушыларды бағалау.
Сабақ аяқталды. Сау болыңдар!
Пікір беру