Мұғалімдер сайты
Дене шынықтыру
20 август 2015
1015
0

Баскетбол. Жылдамдықты арттыру

Баскетбол. Жылдамдықты арттыру
Нурлан Альжанов
Атырау облысы, Қызылқоға ауданы
Сағыз селосы, Қызылқоға аграрлы-техникалық колледжі
дене тәрбиесі пәні оқытушысы
Атырау облысы білім беру басқармасы
«Қызылқоға аграрлы-техникалық колледжі» МКҚК-ы
Мамандығы: 1504000- «Фермер шаруашылығы»
І-курс № 58 топ
Пәні: Дене тәрбиесі

Тақырыбы: Баскетбол. Жылдамдықты арттыру


2014-2015 оқу жылы
Сағыз селосы

Сабақтың тақырыбы: Баскетбол.Жылдамдықты арттыру.
Сабақтың мақсаттары:
Білімділік: Оқушыларға баскетбол ойынының элементтерін үйрету;
Тәрбиелік: Еңбексүйгіштікке, ынтымақтастыққа тәрбиелеу;
Дамытушылық: Салауатты өмір салтын қалыптастыру, әдістерді дұрыс орындауға үйрету, оқушылардың жылдамдығы мен шыдамдылық қасиеттерін дамыту.
Сабақтың типі: Жаңа білімді қалыптастыру сабағы
Сабақтың түрі: Жеке және жалпы жұмыс жасау, жан - жақты түсіндіру, ойын сабағы
Сабақтың әдісі: жеке және топтық жұмыс
Құрал жабдықтар: Ысқырғыш, баскетбол доптары, себет, кедергілер, орындықтар, секундомер т.б.
Пәнаралық байланыс: физика, биология.
Сабақтың жүрісі
Кезең № Сабақтың мазмұны Уақыт, мөлшері ескерту
Д а й ы н д ы қ к е з е ң і 1 Студенттерді сапқа тұрғызу. 5 минут









10 минут Спорттық киімдеріне назар аудару.
2 Топ санын түгелдеу. Себепсіз студенттерді анықтау.
3 Мәлімдеме қабылдау
Жаңа сабақ барысында баскетбол ойыны жөнінде қысқаша мағлұмат беру Мәлімдемені дұрыс тапсыруын қадағалау
4 Оңға, солға, кері бұрылу жаттығуларын орындау. Бұрылыстарды дұрыс орындауын қадағалау
5 Қозғалмалы бой жазу жаттығулары
- Қолды жоғары ұстап аяқ ұшымен жүру.
- Екі қол белде өкшемен жүру.
- Екі қол белде аяқтың ішкі және сыртқы қырымен жүру.
- Бір қалыпты жеңіл жүгіру.
- Тіркеме адыммен оң және сол бүйірмен жүгіру.
- Арқаны алға қарата оң иықпен қарап жүгіру.
- Алға қарай созылған қол алақанына екі тізені тигізе жүгіру.
- Қол алақанына аяқтың ішкі, сыртқы қырын тигізе жүгіру.
- Өкшені артқа көтеріп, екі алақанға тигізе жүгіру.
- Екі қол тізеде, толық отырып жүру.
- Отырып секіре жүру.
- Дем алу,дем шығару. Аяқ ұшымен, өкшесімен, сыртқы, ішкі қырымен жүруін ескерту.

Оң және сол бүйірмен жгіруін ескерту.

Алақанға аяқтың ішкі, сыртқы қырының, өкшенің тиюін ескерту.

Отырып жүру, жүгіруін ескерту.
6 Саптағы бой жазу жаттығулары
- Саппен келіп бірнеше қатарға тұру.
- Қолды белге ұстап, басты оңға және солға айналдыру.
- Қолды иыққа ұстап, шынтақты алға және артқа айналдыру.
- Қолды алға түзу созып, кезек-кезек айқастыру.
- Бір қолды белге ұстап, екінші қолды жоғары көтеріп, оңға және солға кезекпен иілу.
- Екі қолды екі жаққа созып, оң қолды сол аяққа, сол қол қолды оң аяққа кезекпен тигізу.
- Тік тұрып, бір аяқпен алға қарай бір қадам жасап, тізені бүгіп, екі қолды тізенің үстіне қойып, төмен басылып, қайтадан бастапқы қалыпқа келу.
- Қолды алға созып ұстап тұрған бастапқы қалыпта екі аяқты кезекпен жоғары көтеру.
- Қолды белге ұстап тұрған бастапқы қалыпта отырып, тұру
- Екі қолды екі тізеге ұстап, тізені ішке және сыртқа айналдыру.
- Дем алу, дем шығару Қатарға дұрыс тұруын ескерту.

Қолды белге ұстауын ескерту.

Дұрыс иілулерін ескерту.

Қолдың Аяққа тиюін ескерту.

Арқы тізенің бүгілмеуін ескерту.


Аяқтың қолға тиюін ескерту.

Тізені дұрыс айналдыруын ескерту.
Негізгі кезең Қысқа қашықтыққа жүгіру әдісі
Топ екі командаға бөлінеді. Саптың ең алдында тұрған екі ойыншы қысқа қашықтыққа жылдамдықпен әр көрсетілген төрт сызыққа қол тигізу арқылы жүгіру жаттығуын аяқтап қалған ойыншылар жаттығуды жалғастыра береді.
Доппен жасалатын жаттығулар
Топ екі командаға бөлінеді. Жарысатын қашықтықтың ұзындығы 10-15 метрдей болады. Саптың ең алдында тұрғандардың қолында доп болады. Мұғалім белгі берісімен доп ұстаған екі ойыншы жүгіре шығып, допты баскетбол ойынының тәсілімен тездете алып жүріп, жалаушаны айналып келіп, допты өз командасының келесі ойыншысына береді де, өзі саптың ең соңына барып тұрады. Тапсырманы ойыншылардың бәрі орындап шыққанша жаттығу жалғаса береді.
Доп қолдан шығып кеткен жағдайда, сол жерден қайта жалғастыру қажет. Белгі берілмей тұрып алаңға жүгіріп шығуға болмайды. Допты өз әріптесіне беру мәре сызығында орындалады.
Жаттығудың мақсаты-мәреге өзгеден бұрын жетуге тырысу арқылы жылдамдықты арттыру. 25 минут Жаттығу ережесін толық көрсетіп, түсіндіру.

Жаттығу ережелерінің қатаң түрде сақталуын ескерту.
Кедергімен допты алып жүру
ойыншылар екі командаға бөлінеді. Жарысатын қашықтықтың ұзындығы 10-15 метрдей болады. Саптың ең алдында тұрған ойыншы допты екі қолмен кезек-кезек кедергілердің арасымен жалаушаны айналып келу қажет. Тапсырманы ойыншылардың бәрі орындап шыққанша жаттығу жалғаса береді. Жаттығу ережелерінің қатаң түрде сақталуын ескерту.


Жаттығу ережесін түсіндіру.

Екі қадам жасау арқылы себетке доп түсіру
Топ студенттері екі командаға бөлінеді. 1-ші команда студенттері 1-ші себетке,2-ші команданың студенттері 2-ші себетке тұрғызылады, әр ойыншы себетке екі доптан немесе үш доптан лақтырады, ойыншылар себеттің оң жағынан және сол жағынан және орта тұсынан екі қадам жасайды.Мұғалім белгі берісімен Саптың ең алдында тұрған ойыншы екі қадам аттау арқылы допты себетке түсіреді.Осы ретпен жаттығу қайталана береді. Жаттығу ережеслерінің қатаң түрде сақталуын ескерту.



Кеудеден доп беру
Топ студенттері екі командаға бөлінеді Саптың ең алдында тұрған екі ойыншы бір қырымен допты кеудеден беру әдісін жасайды. Доп келесі ойыншыға, сосын одан кейінгі ойыншыға беріліп кете береді. Бастапқы тұрған ойыншы қайтадан өз орнына келгенге дейін ойын жалғаса береді. Жаттығу ережесін түсіндіру.
Саптық жүріспен жүру арқылы демалу
Студенттер бір сызықтық сапқа тұрғызылып екі қолды жоғары ұстап аяқтың ұшымен алаңда айнала жүру. Жаттығу ережелерінің қатаң түрде сақталуын ескерту.
Кім мерген
Ойыншылар бір қатарға тұрғызып жылдамдықпен себетке доп түсіруін бақылау, әр ойыншы 30 секунд уақыт беріледі сол уақыт ішінде 9 доптан себетке лақтырылады . Бір доп салынса 3 деген баға беріледі, үш доп салынса 4 деген баға, төрт доп салынса 5 деген баға беріледі. Мұғалім белгі берісімен саптың ең алдында тұрған ойыншы бастайды. Тапсырманы ойыншылардың бәрі орындап шыққанша жаттығу жалғаса береді. Жаттығу ережесін түсіндіру.

Ойын ережелерінің қатаң түрде сақталуын ескерту.
қорытынды
кезең Сабақты қорытындылау. 5 минут Түгел тындауын қадағалау.
Студенттерді бір сапқа тұрғызу, тыныс жолдарын қалпына келтіру. Толық сапқа тұруларын қадағалау
Үйге тапсырма беру. Үй тапсырмасын тыңдауын қадағалау
Студенттерді бағалау. Сабаққа қатысуына байланысты бағалау
Бір саппен спорт алаңынан немесе залдан шығару. Бір саппен шығуын қадағалау.

Дене тәрбиесі пәні оқытушысы________________Н.Альжанов

Баскетбол. Жылдамдықты арттыру
Пікір беру