Мұғалімдер сайты
Мектепалды даярлық / Бастауыш сынып
18 август 2015
3505
0

Жол тәртібін білейік, есен – аман жүрейік!

Жол тәртібін білейік, есен – аман жүрейік!
Қызылорда облысы
Қармақшы ауданы
№183 орта мектеп
бастауыш сынып мұғалімі
Байділдаева Қарлығаш

Тақырыбы: «Жол тәртібін білейік, есен – аман жүрейік!»

Мақсаты.
1. Көшеде жүру тәртібі туралы білімдерін еске түсіру, жинақтау.
2. Көше тәртібін әрдайым сақтауғақұқықтық тәрбие беру.
3. Оқушылардың ой - өрістерін, жан - жақты білімдерін дамыту.
Көрнекілігі: суретті тест, слайдтар, жол жүру ережелері
І. Ұйымдастыру. Зал шарлармен, көшеде жүруге байланысты стенд, суреттер, нақыл сөздермен безендірілген.
ІІ. Кіріспе
Сұрақ – жауап.
- Балалар көшеде жүру ережесін білу бізге не үшін керек?
- Жаяуға қай жермен жүруге болмайды?
- Көшеде жүру тәртібін кім басқарады?
- Бағдаршам туралы не білесіңдер?

Бағдаршам макетін киген оқушы және бағдаршамның үш көзін ұстаған төрт оқушы ортаға шығып, тақпақтар айтады.
Қызыл көзі
Мен көзімді ашқанда,
Ешқашанда баспа алға.
Орныңда тұр қозғалма
Ереже бұл “Сен тоқта!”

Сары көзі
Мен көзімді ашқанда,
Қарап қалма аспанға.
Жүруге әлі болмайды,
Дайындықты сақтайды

Жасыл көзі
Мен көзімді ашқанда,
Көліктер саған тоқтайды.
Ережені білгендер,
Өтуге еш қорықпайды.

Бағдаршам
Жолды кесіп өтерде,
Сол жағыңа қарайла,
Жарты ортаға келгенде
Оң жағыңа қарайла
Білгеніңді басқаға
Үйрете жүр, жарай ма?

ІІІ Топқа бөлу.
Оқушылар бағдаршамның түстеріне сәйкес қызыл, сары, жасыл түстерді таңдап, топқа бөлінеді.
1 - топ – «Қызыл»
2 - топ – «Сары»
3 - топ -«Жасыл»
ІV Сайыс кезеңдері.
1 – сайыс “Кім шапшаң?”
Суретті тест тапсырмаларға жауап береді. Топ оқушылары кезекпен жауап береді.
2 – сайыс Блиц - турнир сұрақтары
Топ оқушылары үш сұраққа бірден жауап беруі керек.
Қызыл
1. Жаяу жүргіншілер қандай жерлермен жүреді?
2. Жол бойында балалардың ойнауына қатаң тыйым салынған себебі неліктен?
3. Жолды неге тек жол өткелдерінен қиып өтуге тиіспіз?
жасыл
1. Жол өткелінен жүгіріп өтуге бола ма?
2. Жол жиегінде тұрған автобус, троллейбус, т. б. көлік түрлерінің қай
жағынан өтуге болады?
3. Бағдаршам жарықтарының қызметі қандай?
сары
1. Велосипедпен неше жастан бастап жолмен жүруге болады?
2. Бағдаршам қойылған жол өткелі қауіпті ме, әлде бағдаршам қойылмаған жол өткелі қауіпті ме?
3. Жол бойында тоқтап тұрған көлік неліктен қауіпті?
3 – сайыс “Жол белгілерін сақтайық” суретті лото ойыны
Әр топқа лото ойыны таратылады. Жол белгілерін дұрыс тапса, жол ережесіне байланысты мазмұнды сурет құрастырылады. Ойынның мақсаты: жол белгілерін еске түсіру, шатастырмауға үйрету.
А) Ескерту белгісі
Қып - қызыл үшбұрыш
Ескерту белгісі мен болам.
Қауіптен сақ бол деп
Сәт - сапар жолдаған.



Ә) Тыйым салу белгісі
Қызылмен боялған шеңберім аумақты,
Тыйымшыл белгімін, қаталмын, салмақты.
Мен тұрған жерлерде хақың жоқ жүруге
Қауіп бар бағдарла, көз салып жан - жаққа.
Б) Нұсқау белгісі
Баратын жерінің бағыты тұрағым,
Үн - түнсіз жол сілтеп, жол нұсқап тұрамын.
Күндіз де, түнде де от болып жанады,
Көк түске боялған төртбұрыш шырағым.
4 – сайыс “Кім жылдам?” Сөзжұмбақ сайысы
Әр топқа сөзжұмбақ жазылған үлестірмелі материал таратылады. Сөзжұмбақты дұрыс шешкенде «Бағдаршам» деген сөз шығады.

Қорыту, марапаттау.
Қазылар алқасы сайыстың қорытындысын шығарып, жеңіске жеткен топты марапаттайды
Пікір беру