Мұғалімдер сайты
Музыка
20 август 2015
2301
0

Орыс музыкасы

Орыс музыкасы
Батыс Қазақстан облысы, Жаңақала ауданы, Қырқопа ауылы
Карманов жалпы орта білім беретін мектеп-балабақшасы
Пәні: Музыка
Сыныбы: 4
Мұғалімі: Ермуханова Назгуль Кайыршаковна

І.Сабақтың тақырыбы: «Орыс музыкасы»

Мақсаты: а) Білімділік: Музыканың сипатын ажырату, мазмұнының өмірмен байланысын түсіндіру және ән легінің бағытын айыру. Ә) Дамытушылық: Әндегі дыбысты тыңдап, музыканың бейнелеушілік қасиетін ажыратуды үйрету, мәнерлеп орындауға баулу. Б) Тәрбиелілік: Үйренген әндерді жатқа орындау.
Сабақтың типі: Аралас.
Әдісі: Суретті – түсіндірмелі, сұрақ – жауап.
Көрнекілігі: Орыс музыкасы аспаптары – балалайка, гармонь, бубен, ағаш қасық. Орыс ұлттық киім суреттері, аспаптары.
Барысы: 1.Ұйымдастыру кезеңі. а) сәлемдесу б) ҚР Әнұранын орындау. ә) түгелдеу.
ІІ. Жаңа сабақ: «Орыс музыкасы»
Сабақ орыс халқының музыка өнеріне арналады. Орыс халқының музыка өнері – дүниежүзіне кең таралған өнер түрінің бірі. Өзінің қайталанбас ерекше әуенділігі, саздылығы, музыкалық аспаптарының бояуларымен ерекшеленетін өнері дүниежүзінің барлық бұрышына кеңінен таныс. Музыка өнерінің көп жанрынан – әні, биі, аспаптың музыкасы, жеке орындаушылығы, ұжыммен орындау, хормен орындау, т.б. орыс халқы музыкасының әсемдігін, көркемдігін, саздылығын байқауға болады.Орыс халқы дегенде көз алдыңа орыстың балалайкасы келеді.Оның сымнан жасалған шегі, ағаш корпусы, қарапайымдылығы орыс музыкасының негізін құрайды.Орыс музыкасы ұрып ойнайтын шулы аспаптарға өте бай. Ағаш қасықтар, бубен, қоңырау, сылдырмақ т.б орыс музыкасында кеңінен қолданылады. Әсіресе аспаптардың қосылып орындауында шулы аспаптар мол пайдаланылады.
Орыс музыкасы ежелгі Русь жерін мекендеген шығыс славян халықтарының бастау алады. 9 ғасырда алғашқы орыс мемлекетінің құрылуына байланысты орыс халықтары бір жерге шоғырланып, өзінің тарихи – мәдени ошағын қалыптастыра бастайды. Ең ежелгі музыкалық аспабы – гусли. Бұл аспапта орындашыларды – гусляр, гудошник деп атаған.
Осы жерде әрбір ұстаз қолында бар материалдарын сабақ мазмұнына сәйкес қолдануына болады. Мысалы,музыкалық аспаптар, оркестр аспаптарының макеті немесе суреттері болса, жиыстырылған аспаптар болса, сабақта музыканы сүйемелдеуге оқушылардың өзін қатыстыруға болады.
Орыс халық музыкасы «Камаринская» - кең таралған ең белгілі музыкалық шығармаларының бірі. «Камаринская» - би ырғақты шығарма. Шығарманы тыңдау кезінде қолда бар шулы аспаптармен сүйемелдеп орындауға болады.
Үйренген әндерді жатқа орындау.
ІІІ. Музыка тыңдау: Орыс халық музыкасы «Камаринская» ауенін тыңдап шығу.
- Орыс халқының қандай аспаптарымен таныстыңдар?
- Орыс халқының ән – билерін білесіңдер?
Шығармашылық жұмыс:
Торкөздегі сөздерге ребус құрастыр.

ІV. Жаңа сабақты бекіту: Орыс аспаптарының суреті бейнеленген суреттер астында сұрақтар жасырылған. Сол сұрақтарға дұрыс жауап берген оқушылар бағаланады.
1.Орыс халқының ең көне музыкалық аспаптарын ата.
2. «Гусли» дегеніміз не? Орындаушыларын қалай атаған?
3. Орыстың халық әні «Камаринская» би ырғағына жақын деуге бола ма?
V. Ән үйрету: Орыс халық әні «Во поле береза стояла».
VI. Бағалау.
VIІ.Үйге тапсырма: 1) Бүгінгі үйренген әнді жаттау.
2) Орыс халық аспаптарының суреттерін бейнелеу.
Ілмектер:Орыс музыкасы
Пікір беру