Мұғалімдер сайты
Негізгі бет / Баяндама, мақала / География
12 октябрь 2015
1769
0

ГЕОГРАФИЯ САБАҒЫНДА ИННОВАЦИЯЛЫҚ ТЕХНОЛОГИЯМЕН САПАЛЫ БІЛІМ БЕРУНДА ИННОВАЦИЯЛЫҚ ТЕХНОЛОГИЯМЕН САПАЛЫ БІЛІМ БЕРУ

ГЕОГРАФИЯ САБАҒЫНДА ИННОВАЦИЯЛЫҚ ТЕХНОЛОГИЯМЕН САПАЛЫ БІЛІМ БЕРУНДА ИННОВАЦИЯЛЫҚ ТЕХНОЛОГИЯМЕН САПАЛЫ БІЛІМ БЕРУ
Берденова Мейрамгуль Темирсериковна
«Ғани Мұратбаев атындағы орта мектебі» КММ
ШҚО Тарбағатай ауданы Кіндікті ауылы

«Баланы өздігінше ойлай білуге баулу қажет.
Өйткені ойлай білетін жан шын мағынасындағы адам».
Мағжан Жұмабаев

ХХІ ғасыр жаңа инновациялық технологиялардың дамыған уақыты. Қазіргі заман талабына сай ғылым мен техниканың жетістіктері білім беру саласында жүзеге асыру бүгінгі күннің өзекті мәселелерінің бірі.Президент Н.Ә.Назарбаев «Қазақстан-2050» мемлекеттік стратегиялық жолдауында «біз білім-ғылым-инновациялар үштігі» билеген постиндустриалдық әлемге қарай жылжып келеміз, біріншіден, бұл уақыт, қазір инновация заманы, инновация ғасыры деп атап көрсеткен болатын Э.Роджерс «Инновация-нақтылы бір адамға жаңа болып табылатын идея»десе, Майлс «Инновация-арнайы жаңа өзгеріс. Біз одан жүйелі міндеттеріміздің жүзеге асуын, шешімдерін күтеміз»-дейді.Яғни инновацияны жаңаны көру, жаңаға ену, жаңаға кіріспе деп түсініуіміз қажет.Бүгінгі мектептің жалпы мұғалімнің басты міндеті-жан-жақты дамыған шығармашыл жеке тұлғаны қалыптастыру.Интерактивті тақтаны пайдаланып сабақ өткізудің көптеген
мүмкіншіліктері бар.
1.Бормен тақтаға жазған кескінді экрандағы түрлі-түсті, айқын, ұқыпты кескінмен салыстыруға болмайды.Тақта мен бордың көмегімен әртүрлі қосымшалары бар жұмысты түсіндіру қиын әрі мүмкін емес.Слайдтарда кемшіліктер мен қателер жіберілсе, тез арада түзетуге болады.Сабақтың өнімділігі артады.
2.Сабақта көрнекілікті қолдану деңгейі артады.
3.Оқу материалын беру логикасына көп көңіл аударылады, бұл оқушылардың білім деңгейіне оң әсерін тигізеді.
Ақпаратттық қоғамды құру мен дамыту білім беруде ақпараттық-коммуникациялық технологияларды кеңінен қолдануды қажет етеді.Қазіргі заман мектебі әр баланың интеллектуалдық тұрғыдан дамуын көздейді.Оқушылардың танымдық үрдістерін дамыту олардың зерттеушілік іс-әрекетке белсене кірісуіне ықпал етеді.Бұдан балалардың интеллектуалдық сапасы артып, шығармашылық әлеуетін іске қосады.Оқушылардың зерттеушілік мәдениеті сабақ және сабақтан тыс уақыттарда арнайы ұйымдастырылатын іс-әрекетке тарту арқылы қалыптастырылады. «Қазақстан-2030» стратегиялық бағдарламасында білім мен білігі жағынан бәсекеде жеңілмейтін, отаншылдық рухы жоғары кемел Қазақстанның білімді ұрпағын тәрбиелеуді Елбасы басты назарда ұстауды атап көрсеткен болатын.Олай болса, өркениетті жағдай туғызатын да дамытатын да-мектеп.Тәрбие мен білім мектеп қабырғасынан қаланады.Сондықтан оны шығармашылықпен ұйымдастыра білген жөн.Әрбір ұстаз оқытудың жаңа технологияларын қарастырып, өзінің әдістемелік шеберлігін арттыра отырып, шығармашылықпен жұмыс жасау жолдарын үйрету сияқты тынымсыз ізденудің арқасында ғана нәтижеге жетеді.Оқу-тәрбие жұмысының жаңа формалары өмірге келеді және уақыт өткен сайын олар өзгеріп жаңарып отырады.Уақытпен бірге ұстаз да қалыспай өзін жаңартып отыру қажет екені бәрімізге аян.Қазіргі білім беруде зерттеушілік мәдениетті қалыптастырудың бірден-бір сара жолы-ақпараттық-коммуникациялық технологияларды тиімді пайдалана білу.
Техникалық жаңалықтар ішінде интерактивті тақтаның алар орны айрықша.Оның көмегімен қандай сабақты болсын түрлендіруге, қызықты етуге, балалардың оқуға деген ынта-ықыласын арттыруға болады.Интерактивті тақтаны пайдалана отырып,электронды құрал түрімен тұрақты түрде жұмыс ұйымдастыруға болады.Бұл уақытты үнемдеуге көмектеседі, сыныптағы барлық оқушыларды сабаққа көңіл аудартып, шығармашылық белсенділігі мен ойлауын дамытады.Сондай-ақ, сабақта интерактивті тақтаны қолдану заманауи технологияларды енгізу жолымен білім сапасын көтеруге көмектеседі.Мысалы, қабілеті төмен оқушыларды экраннан объектіні кесіп тастау, өзгерту, кері қайтару өте қызықтырады, мотивацияларындамытып, материалдарды меңгеру деңгейін жоғарылатады.Оқушылардың география сабақтарында зейіндерін жоғарылату үшін интерактивті сабақ нақты жоспарланып, құрылымы мақсаты мен нәтижеге жететіндей құрылу керек.Түрлі жаңашыл технологияларды оқу үрдісінде пайдалану оқушылардың ақыл-ой қабілеттерін дамытып, өзіндік білім көздерін ізденуге икемдейді.Жаңа технологияны пайдалану білім беруді жеңілдетіп қана қоймайды, сонымен қатар оқушылардың шығармашылық дамуына, оқуға деген ынтасының жоғарылауына, ойлау қабілетін жетілдіруге және қазіргі заманда баланың өзіндік ұстанымын қалыптастыруға мүмкіндік береді.Шынайлыққа қол жеткізу, білімді өсіру, қабілеттің дамуы өз бетімен білім алу мүмкіндігін қамтамасыз ету, дамыту және оны бағдарлы мақсатта пайдалану, тұлғаның әр сабақ сайын интерактивті әдістер арқылы білім игерумен қатар проблемалық сұрақтарға жауап іздеу, ойлау қабілетін арттыру, оқушыға жеке өздігінен ізденуге мүмкіндік беру, топтасып оқып үйренуге жағдай жасау, оқушыларды өздерін-өздеріне немесе өзара бағалату әне іс-әрекет барысында білім игеруге, ойлау қабілетін арттыруға жол ашу ең басты мақсатым болды.
Психологиялық тұрғыдан алғанда, интерактивті оқытудың нәтижелігінің сыртқы көріністері ретінде оқушылардың бірлескен әрекет ережелерін мойындай отырып, өзара әрекеттесуге ұмтылуын, топтық рефлексияның дамып, ұжымдық ынтымақтастықтың қалыптасуын, ал құқықтарын түсіне отырып, өзара әрекет дағдыларын меңгеріп, топтық жұмысқа дайын болуын, оқу әрекетінің субъектісіне айнала отырып, өзіндік рефлексиясының дамуын айтуға болады.Жалпы алғанда, интерактивті оқытудың басты шарттары қауымдастық пен бәсекелестік болып табылады.
Мен Президентіміз Н.Ә.Назарбаевтың 2030 стратегиялықбағдарламасындағы
«Компьютерленген сапалы білім-Қазақстанның инновациялық дамуының негізі» деген сөзін негізге ала отырып 7-сыныпты «Солтүстік Американың халқы және елдері.АҚШ» тақырыбында интерактивті тақтаны пайдалана отырып, ашық сабақ өткіздім.Бұл сабақты өткізгендегі мақсатым интерактивті әдістер арқылы оқушыларға Солтүстік Американың халқы және елдері туралы тиянақты көрнекі түрде мағлұмат беріп, олардың шапшаңдығын байқап, өздігінен сапалы жұмыс жүргізуін дамыта отырып, өзге ұлтты құрметтеуге, интернационалдыққа тәрбиелеу.
І.Ұйымдастыруда оқушылармен сәлемдесіп, түгендеп, оқушылардың сабаққа деген дайындығын тексердім.
ІІ.Үй тапсырмасын сұрауда бірінші жұмбақ жасыруды жөн көрдім.
1. Меридиан бағытта жүреді,
Қойөгіз мекен етеді.
Айтындаршы балалар,
Бұл қай елдің зонасы.
(Солтүстік Америка).
2.Интерактивті тақтаның келесі парағынан «Кім жылдам?» деген слайд ашылады. Оқушылар берілген сұрақтарға жауап береді.
1.Қойөгіз қай зонада мекен етеді?(арктикалық шөл зонасы).
2.Карибу дегеніміз не? (Бұғының бір түрі).
3.Кордельераның шығыс беткейінен бастап, Атлант мұхитына дейінгі кең алқапты қай зона алып жатыр? (Тайга).
4.Барибал ол ... .(Қара аю).
5.Жасы 4мың жылға дейін жеткен мәңгі жасыл секвойяны не дейді?(мамонт ағашы).
6.Флорида түбегінің оңтүстігінде арнайы қорғауға алынған қандай батпақ орналасқан? (Эверглейдс).
7.Дала қасқыры бұл-... (Койот).
8.Суккулент латын тілінен қандай мағына береді?(Шырынды).
9.Тайга зонасының топырағы (Күлгін).
10. «Прерий»француз тілінен аударғанда қандай мағына береді? («шалғын»).
3.Жаңа сабақ. Қызығушылықты ояту.
А) Тақырыбы мен мақсаты.
Жаңа сабақтың тақырыбы төмендегі өлең шумақтарында айтылады.
Туында 50 жұлдыз бар,
Экономикада оның беделі бар.
Үндіс пен эскимос халқы бар,
Йеллоустон деген паркі бар.(А.Қ.Ш).
4.Жаңа тақырыпты оқып-білу.Оқушылар оқулықтарын ашып 5 минут ішінде тақырыптың түйінді жерлерін оқып шығу керек.Оқушының есте сақтау қабілетін арттыру мақсатында интерактивті тақтаны пайдалана отырып,жаңа сабақтың кластерін оқушылармен бірлесіп құрамыз.

ТОЛЫҚ НҰСҚАСЫН ЖҮКТЕУ

ГЕОГРАФИЯ САБАҒЫНДА ИННОВАЦИЯЛЫҚ ТЕХНОЛОГИЯМЕН САПАЛЫ БІЛІМ БЕРУНДА ИННОВАЦИЯЛЫҚ ТЕХНОЛОГИЯМЕН САПАЛЫ БІЛІМ БЕРУ
Пікір беру