Мұғалімдер сайты
Негізгі бет / Мектепалды даярлық
26 январь 2016
1160
0

Педагог, тәрбиешілердің тиімді қолданатын тәрбие әдістері


Маңғыстау облысы,
Өтегенова Әйгерім Жаналықызы
ІІ санатты «Мектепке дейінгі даярлық тобы оқытушысы»

Педагог, тәрбиешілердің тиімді қолданатын тәрбие әдістері
Мектепке дейінгі мекемеде, яғни балабақшадағы негізгі бала тәрбиелеуші, оқытушы – тәрбиеші, педагогтар. Олар қай кезде болмасын, режимдік процестерде, таңғы жаттығуларда, оқу іс-әрекеті барысында, түрлі ойындарда, сонымен қатар, оқу іс-әрекетінен тыс уақытта да өздерінің қолданатын әдіс-тәсілдері сан алуан болып келеді. Ал, әдіс-тәсілдердің туындауына арқау болған себеп: балаларды дұрыс бағындыра алу, зейіндерін аударту. Жалпы тәрбие әдісі – балалардың тұлғалық қасиеттерін қалыптастыруға бағытталған тәрбиешілер мен тәрбиеленушілердің өзара байланысты педагогикалық жұмыс тәсілдері ретінде саналады. Тиімді әдістер ата-аналармен, жалпы педагогтармен байланыста, олармен жақсы тәжірибе алмасу барысында жинақталатыны белгілі.
Сипатына қарай тәрбие әдістері мынадай түрде топтастырылған: сендіру, жаттықтыру, мадақтау, жазалау, іс-әрекетті ұйымдастыру, оқушының тәртібіне ықпал ету. Және де бұл әдістерді күнделікті қолдану қажет етіледі. Бұл әдістерді уақытында қолданып, нәтижелі болса, бала бойына адамгершілікті қалыптастыруға мүмкіндік береді. Балалардың мінез-құлқы мен іс-әрекетіне үнемі бақылау жасау арқылы өзін-өзі бақылауын ұйымдастыру және өз-өзіне баға бере білуге дағдыландырған жөн. Жалпы, тәрбие тәсілдері – әдістің негізгі бір бөлігі іспетті.
Соның ішінде бағалау тәсілі арқылы балалардың қимыл іс-әрекеттерін, көзқарастарын, сенімдерін, тәртіп-бағыттарып айқындауға, өз еңбек, жетістіктерін, адамгершілік сапаларын өздері бағалауға үйрене бастайды. Тәрбиеге жалпы көзқарасты қалыптастыру мақсатында пеадгогтардың жұмысы отбасымен ынтымақтастық орнатуға бағытталуы тиіс. Ата-ана өз балаларының тәрбиесіне және дамуына жауапты және педагогтар да оқытуына, білім нәрімен сусындатуына міндетті тұлғалар.
Мектепке дейінгі мекемелерде тәрбиешілер қолданатын осы бірнеше әдістер арқылы бала бойына көптеген жақсы қасиет-дағдылар белгісін жинақтап, сапалы түрде ұлғайта түсуіне әбден болады. Сонда біздің еліміздің келешек ұрпақтары тәрбиелі де мәдениетті, білімді ұрпаққа айналары сөзсіз.

Шаттық шеңбері:
О, табиғат, қандайсың,
Тіл жете ме, сыйыңа?
Адамзаттың керегін
Өзің беріп тұрасың.
Жұтсам-ауа, ішсем-су,
Табиғатым-жұмағым.

Сен мейірімдісің,
Сен ақылдысың,
Сен тәртіптісің,
Сен алғырсың,
Сіздер мейірімдісіздер!
Сіздер ақылдысыздар!

Қол ұстасып тұрайық,
Мен Отанды сүйемін,
Сен де Отанды сүйесің!
Мен анамды сүйемін,
Сен де анаңды сүйесің!
Мен әкемді сүйемін,
Сен де әкеңді сүйесің!
Көтеріп бір көңілді,
Шаттықпенен күлейік
Дос, бауыр боп бәріміз, тату-тәтті жүрейік!

Алақанды ашайық,
Шеңбер болып тұрайық,
Күннің нұрын салайық,
Таза ауаны жұтайық,
Жүрекке жылу сыйлайық,
Жиналған жылы шуақты,
Қонақтарға шашайық.

Қуанамын мен де,
Қуанасың сен де.
Қуанайық достарым,
Арайлап атқан күнде.

Шуақ шаша,
Алтын таңда
Мөлдір таза ауада
Табиғатта бәрі оянды
Оян сен де, бар бала.

Табиғатым тамаша,
Көз тоймайды қараса.
Туған жерді аялап,
Жүрейікші жараса.
Сәлем саған нұрлы күн!
Сәлем саған жер Ана!
Аман-есен болайық,
Бейбітшілікті қалайық!

Мынау менің жүрегім,
Барлығы осыдан басталған.
Мынау менің басым,
Бәрін осы басқарған.
Мынау менің қолым,
Барлық істі тындырған.

Кел, санайық, санайық,
Саусақтарды даралап
Бас бармағым алғашқы
Балан үйрек жалғасты
Ортан терек ортасы
Шылдыр шүмек балақан
Шынашағым анасы
Бәріне ортақ алақан.
Мен базарға бардым
Заттар сатып алдым.
Қалағаныңды ал,
Білгіш болсаң санап ал!

Күлімде күн күлімде
Күлсін барлық бала шат,
Берекелі бүгінде,
Достығымыз жарасқан.
Ән салуға барамыз
Досымызды табамыз
Сәлемет пе! Міне, мен!
Доспын енді сенімен.

1 дегенде тұрайық,
2, 3, 4 алақанды ұрайық.
Оң жаққа бір бұрылып,
Сол жаққа бір бұрылып
Орнымызға отырып,
Бір шынығып алайық.


Саусақтарды саралап,
Кел, санайық, санамақ.
Жалқауланба бас бармақ,
Жұмыс сенен басталмақ.

Қағаз, қалам,
Қолға алам,
Елге барам,
Малшы болам
Отын жарам,
Оны шабам,
Оны жағам
Содан кейін
Білімпазбен амандасам.

Оң қолыңды көтеріп,
Үшбұрыш сыз ауада.
Сол қол қарап тұрмасын,
Шеңбер сызып зырласын.

Өтті қызық, көп күндер
6 жасқа жеттіңдер.
Барасыңдар мектепке,
Бір белестен өттіңдер.
Өсті ақыл-ойларың,
Өсті міне, бойларың
Қуанышқа ортақпын
Құтты болсын тойларың!

Қайырлы күн деп айтамыз,
Түсте бірге қайтамыз.
Отбасының гүліміз,
Көңілді өтер күніміз.

Достарды біз қолдаймыз,
Қиын шақта қорғаймыз.
Біздің топқа ұл-қыздар,
Тату-тәтті ойнаймыз.

Біздің топтың ұл-қыздары,
Тату-тәтті ойнайды.
Әлемдегі бар адамға,
Тек жақсылық ойлайды.

 

Мынау менің жүрегім,
Бәрін өзі бастаған.
Мынау басым ақылды,
Бәрін өзі басқарған.
Мынау менің оң қолым,
Мынау менің сол қолым.
Оң аяқ, сол аяқ,
Жаттығу оңай-ақ.

Күлімде күн, күлімде,
Күлсін барлық бала шат.
Шынығып барлық денеміз,
Бірге ойнаймыз, күлеміз.
Көңілденіп бәріміз.
Шықты жарқын дауысымыз.
Қайырлы таң, балалар!

Табиғат – біздің анамыз,
Табиғатқа баламыз!
Иіліп сәлем береміз,
Біз әдепті баламыз!

Арайлап өткен таңымыз,
Қайырлы болсын күніміз.
Шуақты күннің сәулесі,
Жайнасын бүгін жарқырап,
Амансың ба, нұрлы күн!

Бүгін мейрам, бүгін той,
Қуанышты күн біліп қой.
Күзгі бақтай сыңғырлап,
Алақаныңды соғып қой!

«Айнытпай сал»
Құлыншақтан қуыршақ,
Шауып жүріп құлады.
Салшы дауысын қуыршақ,
Сонда қалай жылады?
И-и-и-и.
Күзетші күшік саққұлақ,
Үй күзетті шапқылап,
Дыбыс шықса қаттырақ,
Қалай-қалай үреді?
Аф-аф-аф-аф.


Алай-бұлай жүгіріп,
Ала мысық ойнайды
Аша алмаса есікті
Дыбыстайды ол қалай?
Мяу-мяу-мяу-мяу.
Тышқан шығып інінен,
Жем іздеді күнімен,
Қарны ашқанын ол қалай
Жеткізеді үнімен?
Пи-пи-пи-пи.

Шуақ шаша,
Алтын таңда.
Мөлдір таза ауада,
Табиғат та, бәрі осында,
Оян сенде, бар бала.

Сәлеметсіздер ме, апайлар!
Қайырлы күн, қонақтар!
Біздің топта ұл-қыздар,
Тату-тәтті ойнаймыз.

Кел, балалар, күлейік!
Күлкіменен түлейік!
Қабақ түйген не керек?
Көңілді боп жүрейік.

Қол ұстасып тұрайық,
Шаттық шеңбер құрайық,
Мен Отанды сүйемін,
Сен де Отанды сүйесің!
Мен анамды сүйемін,
Сен де анаңды сүйесің!
Мен әкемді сүйемін,
Сен де әкеңді сүйесің!
Көтеріп бір көңілді,
Шаттықпенен күлейік,
Дос, бауыр боп бәріміз,
Тату-тәтті жүрейік!

Жарқырап күнде ашылды,
Айналаға нұр шашылды.
Қайырлы күн!
Біз көңілді баламыз!
Қайырлы күн!
Біз сүйкімді баламыз!
Табиғатқа қамқор боп,
Байлығын біз қорғайық.
Әдепті де, тәртіпті боп,
Жақсылығын қолдайық.

Шуақ шаша алтын таңда,
Мөлдір таза ауада.
Табиғаттың бәрі оянады,
Оян сенде бар бала.
Қайырлы таң, балалар!
Сәлем бердім, саған елім!
Тал бесігім туған жерім.
Сәлем бердім бәріңізге!

Достарды біз қолдаймыз,
Қиын шақта қорғаймыз.
Біздің топта ұл-қыздар,
Тату-тәтті ойнаймыз.

Армысың, Алтын Күн!
Армысың, Жер Ана!
Армысыңдар, достарым,
Армысыздар, апайлар.
Жылуыма жылу қос,
Міне, менің қолым.

Жабырқауды білмейміз,
Жалқаулықты сүймейміз,
Біз ынталы боламыз.
Істен қызық табамыз.

Уа, халайық, халайық,
Мұнда назар салайық.
Ата жолын жалғамақ,
Ел дәстүрін қолдамақ,
Жігіттер шықсын ортаға!

Күндей жадырап,
Айдай арайлап,
Жұлдыздай жарқырап,
Судай таза көңілмен
Бүгінгі күнімізді бастаймыз.

 


Білер қазақ баласы,
Сәлем сөздің анасы.
Алдымыздан кезіккен,
Көп апайды қарашы.
Бәріне біз ізетпен,
Иіліп сәлем береміз.

Армысың шапағатты күніміз,
Армысың мейірімді жеріміз.
Армысың табиғат анамыз,
Әдеппен бас иер баламыз.

Қайырлы күн! Әрқашан күн сөнбесін!
Күн нұрындай жылуын төге берсін!
Күндей жарық, көңілді күй кешейік!
Бәріміз тату дос боп өсейік!

Шеңбер болып тұрайық,
Алақанды ашайық.
Күннің нұрын алайық,
Таза ауаны жұтайық.
Жүрекке жылу салайық,
Жиналған жылы шуақты,
Қонақтарға сыйлайық.

Күннің көзі ашылып,
Көкке шуақ шашылып.
Құтты қонақ келіпті,
Төрімізге еніпті.
Сәлеметсіздер ме!

Бір шаңырақ астында,
Тату-тәтті тұрамыз.
Бірге ішеміз асты да,
Бірге сайран құрамыз.

Үлкен шеңбер құрайық,
Алақанды ұрайық.
Күлімдесін күн де,
Күлімдейік біз де
Алақанды ашайық,
Күннің нұрын салайық.
Таза ауаны жұтайық,
Жүрекке жылу салайық.
Жарайсыңдар, балалар!

Әріптермен танысып,
Дос болдық біз бәріміз.
А-дыбыстан басталар,
Сөздер айттық жарысып.
Б-дыбыспен танысып,
Сөзді бөлдік буынға,
Т-әрпімен танысып,
Ата сөзін жаздықта,
Қуандық біз қол соға.
Көп әріппен таныстық
Оқып, жазып үйрендік,
Біз ақылды баламыз,
Біз сауатты боламыз.

Жарқырап күнде ашылды,
Айнала жапырақ шашылды.
Қайырлы күн!
Біз нәзік жандармыз,
Қайырлы күн!
Біз ержүрек ұлдармыз.

Біз балдырған тең басқан,
Дос құшағын кең ашқан.
Тілегіміз тыныштық,
Ашық болсын кең аспан,
Мықты болсын іргеміз,
Бәрімізде біргеміз.

Алтын сәуле арайлы,
Бақшамызға тарайды.
Қуанышпен шат күліп
Қарсы алайық арайды.

Әлемде нұр тыныштық,
Әрбір бейбіт күн ыстық.
Қайырлы таң, көк аспан,
Жарқырайды қаламыз.
Жайнай түсті даламыз
Қайырлы таң, балалар!
Қонжықтар оянуда
Ояныңдар, қонжықтар,
Керіліңдер төмекте.
Қолдарыңды жинап ап,
Жоғары, төмен қозғаңдар.

Жазды күні шілде де,
Жеміс пісіп толады.
Қызыл, жасыл гүлдерге,
Көбелектер қонады.

Амансың ба, нұрлы күн
Арайлап атқан таңымыз.
Қайырлы болсын күніміз
Шуақты күннің сәулесі
Жайнасын бүгін жарқырап.

Балдырғанбыз, ұланбыз,
Алға қарай ұмтылып
Қиындықтан қорықпай,
Көшбасшы біз боламыз.

Алақанмен жылуды,
Айналаға таратайық.
Бір-бірімізбен жақындасып,
Бақыт, күлкі сыйлайық.
Бақыт нұрын шашайық.

Мектебім, менің, армысың,
Сені қатты сүйемін!
Достарым, аман бармысың,
Сені қатты сүйемін!

Біз - балалар бағында,
Тұрамыз өте көңілді.
Көп болсақ та достықпен,
Өткіземіз өмірді.
«Біздің көмекшілеріміз»
-Балалар, біз ұйқыдан оянғанда дене мүшелерімізді де оятайық!
Қайырлы күн көздерім, (балалар көздерін қолдарымен басады)
Сендер ояндыңдар ма?
Қайырлы күн, қолдарым, (балалар шапалақтайды)
Сендер ояндыңдар ма?
Қайырлы күн, аяқтарым, (аяқтарын топылдатады)
Сендер де ояндыңдар ма?
Жарайсыңдар, балалар, ояндық па?

Кездескен соң күзімен,
Бұтағынан үзілген.
Ай жапырақ сары алтын,
Айналаның бәрі алтын.
Қуандырып біздерді,
Кемелдесін халқымыз.
Мерекелі күз келді.
Кел, жемісті алтын күз

 

Фонетикалық жаттығулар:
Ық-ық-мысық,
Жұмсақ мысық.
Кү-кү-күшік,
Әдемі күшік.
Қо-қо-қоян,
Сүйкімді қоян.

 

Сергіту сәті:
Шеңберге тұрамыз, жапырақтай шулаймыз: шух-шух (екі алақанын бір-біріне сүйкеп)
Жерге түсе бастаймыз, (орындарына отырады, тұрады, ағаштай болып тербеледі, күзгі жел болып әндетеді).
Ағаштай тік тұрамыз,
Сол сияқты тербейміз,
Күзгі жел боп әндетеміз: У-у-у...
Жел болып айналамыз
Тамшы болып секіреміз (орындарына тұрып, мұрынмен терең демалады)
Таза ауада ойнаймыз, (ауыз арқылы дем шығарады).
Күз сияқты демаламыз,
Үлгілі баладай отырамыз.

Күн сәулесі төгілген әдемі,
Сылдыр қаққан мөлдір суда әдемі,
Биік-биік шыңдарым да әдемі,
Айдын көлде аққу қандай әдемі,
Сұңқар құстың самғағаны әдемі,
Ақ көрпеге оранған қысым қандай әдемі,
Масатыдай құлпырған көктем қандай әдемі,
Сары түске боялған күзім қандай әдемі,
Осылайша табиғатқа бір қарап,
Табиғатпен сырласу да әдемі.

Қаз-қаз балам, қаз балам,
Қадамыңды жаз балам.
Күрмеуіңді шешейін,
Тұсауыңды кесейін.
Қаз-қаз балам, қаз балам,
Тәй-тәй балам, тәй балам
Қадамыңды бас балам.

Сырлайды мөлдір су,
Мөлдір суға қолыңды жу.
Жуынсаң әрдайым,
Аппақ бетің, маңдайың,
Тазалықтың досы.

Біз кішкентай баламыз,
Өсіп-өніп толамыз.
Күнге қарай талпынып,
Көкке қолды созамыз.
Қанат қағып ұшамыз,
Орнымызды табамыз.

Достар бірге жүреміз,
Бірге ойнаймыз, күлеміз.
Бірге балық аулаймыз
Орман, көлге, шыңға біз
Саяхатқа шығамыз.

Біз әдепті баламыз,
Айтқан тілді аламыз.
Жаттығулар жасасақ,
Жақсы сергіп қаламыз.

Орнымыздан тұрамыз,
Мойнымызды бұрамыз.
Қолымызды көтеріп,
Алақанды соғамыз.

Жел тұрды у-у-у,
Жаңбыр жауды тырс-тырс,
Жаңбыр қатты жауды тырс-тырс,
Жаңбыр басылды, күн ашылды.

Алақанды ашайық,
Күннің жылуын салайық,
Жүректің жылуын салайық,
Таза ауаның жылуын салайық,
Жиналған жылу шуақты,
Бір-бірімізге шашайық.

Жаңбыр жауды тық-тық,
Сен далаға шық-шық.
Соғады жел гу-гу,
Құстар ұшты ду-ду.

Аққаланы бастайық,
Қарды енді шашпайық.
Қане, бәріміз дос болып,
Аққаланы жасайық.

Мен досыма қарап алдым,
Қолға қағаз, қалам алдым.
Дөңгелетіп басын салдым,
Екі сызып шашын салдым.
Ұқсатқан соң түрін енді,
Міне, мынау мұрын енді.
Салынды езу, құлағы енді,
Күлімсіреп шыға келді.
Ең соңынан көзін салдым,
Айнымаған өзін салдым.

Орнымыздан тұрамыз,
Қолымызды жаямыз.
Бұлтпен бірге қалықтап,
Аспанға біз ұшамыз.


Екі көзің не үшін керек?
Жақсыларды көру үшін.
Екі қолың не үшін керек?
Елге көмек беру үшін.
Құлақ деген не үшін керек?
Ақыл-кеңес тыңдау үшін
Жүрек деген не үшін керек?
Жауларыңнан қорықпау үшін.
Тіл мен жағың не үшін керек?
Ақиқатты айту үшін.
Ал, аяғың не үшін керек?
Шетте жүрсем, туған елге жету үшін.

Қарлығаш боп ұшамыз,
Торғай болып қонамыз
Сауысқан боп секіріп,
Тоқылдақ боп шоқимыз.

Керегені жазайық,
Шаңырақты құрайық.
Уық болып иіліп,
Киіз үйдей болайық.

Қонақтайды бақтарға,
Ақ көбелек, ақ мамық.
Аунап таза ақ қарға
Балалар жүр мақтанып.
Тазартып бар кір, шаңнан,
Қыс өнерін бастады.
Терезеге қыраудан,
Сурет салып тастады.

Құлпыра берші кең далам,
Аспандағы күнімдей.
Отанымды сүйемін,
Құшағыңа енемін. (2 рет)

Далада қандай керемет,
Сары түске боялды.
Бірі ұшып, бірі қонады,
Күзде жаңбыр жауады.
Күзде желде тұрады,
Жапырақтар күзге қарай,
Желмен бірге ұшады.

Біз кішкентай болғанбыз,
Өсіп, бес жасқа толғанбыз.
Күнге қарай талпынып,
Жақсыға қол созғанбыз.
Қанат қағып ұшамыз,
Қарлығаштай самғаймыз.

Қыста қармен ойнаймыз,
Қалың қарда жүреміз,
Шаңғы да біз тебеміз,
Ақ қаланы жасаймыз,
Қысты біз ұнатамыз.

Кәне, кімнің бойы ұзын?
Паравозы ол пойыздың.
Дүрсілдетіп даланы
Пойыз кетіп барады.
Ду, ду, ду, ду

Гу, гу, гу, гуілде
Қалып қойма бәріңде.
Пш-пш – біз кеттік.
Жүрісті біз үдеттік.

Тіктеп титтей құлағын,
Ботам былай жүреді.
Сыртылдатып тұяғын
Бұзау оған ереді.
Алға созып мойынын
Ойнақтайды ботақан
Көкке қарай мұрнын
Шүйіреді бұзауқан.


Дөңгеленіп тұрайық,
Керегені құрайық.
Уықтар боп иіліп,
Шаңыраққа киіліп,
Киіз үйді құрайық.

Анам не істеп жатыр?
Қамыр жайып жатыр.
Әкем не істеп жатыр?
Шеге қағып жатыр.
Әжем не істеп жатыр?
Әжем ұйықтап жатыр.
Атам не істеп жатыр?
Газет оқып отыр.
Тәтем не істеп жатыр?
Ернін бояп отыр.
Інім не істеп жатыр?
Мультик көріп жатыр.

Қылқаламды қояйық,
Орнымыздан тұрайық.
Оңға қарай иіліп,
Солға қарай иіліп,
Белімізді созайық.

Саусақтарым тұрыңдар,
Сапты бірге құрыңдар.
Желмен бірге майысып,
Оңға, солға бұрыңдар.

Сөйлемейсің сен неге?
Тілің жоқ па қуыршақ.
Жуынбайсың сен неге?
Кірің жоқ па, қуыршақ?

Бұғының үлкен үйі бар,
Терезеден қарады ол.
Қоян жүгіріп келеді,
Достым, достым есік аш,
Орман толы аңшы қас.
Достым, достым үйге кір, Менімен бірге тұр.

Айналаға қарайық,
Отырайық, тұрайық,
Біз тынығып алайық.
Тынығып біз болған соң,
Әсем сурет салайық.

Ұлттық ойын: «Тақия тастамақ»
Мақсаты: Балаларды жылдамдыққа, шапшаңдыққа үйрету.
Ойым бар бар бір ойын бастамақ,
Аты оның Тақия тастамақ.
Шеңбер болып отыра қалыңдар,
Ым қағып жүрмесін қас-қабақ.
Аспаймын, саспаймын,
Білдірмей тақия тастаймын
Бір, екі, үш-ойынды баста.


Бір дегенім – бүркіт,
Қалады аңдар үркіп.
Екі дегенім - есек,
Білмейді ол есеп.
Үш дегенім – үкі.
Ұстап жеді түлкі.
Төрт дегенім – тиін,
Бес дегенім – бұлбұл,
Сайрайды ол дүлдүл.
Алты дегенім – арғымақ,
Дөңдеу жерден қарығмақ.
Жеті дегенім – жайын,
Жайынның жейсің майын.
Сегіз дегенім – серке,
Енесіне ерке.
Тоғыз дегенім – түлке,
Жүрген жері күлке.
Он дегенім – оймақ,
Осымен сөзді қоймақ.


Бір дегенің – бесік,
Содан шықтық өсіп.
Екі дегенің – елім,
Өзен, тауым, көлім
Үш дегенім – үміт,
Үміт артар жігіт.
Төрт дегенім – төзім,
Төзе білем – өзім.
Бес дегенім – бақыт,
Бағалайтын уақыт.

 

Бойды сергек, тік ұста,
Емін-еркін тыныста.
Оң қолыңды соз алға,
Қол ұшына қарада,
Үшбұрыш сыз ауада.
Сол қол босқа тұрмасын,
Шеңбер жасап тынбасын.

Ал, балалар бос тұрмайық,
Әндетейік, шырқайық,
Думандатып, би билеп,
Ән мен күйді төгілдіріп,
Інжу-маржан шашайық,
Келген қонақ таң қалсын,
Өнерден күмбез жасайық.

Қазым-қазым қаңқ-қаңқ.
Қанатыңды қақ-қақ, биік самға аспанға,
Қанатыңды кең жайда.


Оқу-білім аламыз,
Біздер зерек баламыз.
Математика пәнінде
Тапқыр, алғыр баламыз.

Акробат қыз мықты
Сахнаға шықты.
Бүктеліп белі қайысты
«9» болып майысты.

Атам, әкем, бауырым
Біз туғанбыз бәріміз.
Әже, әпке, аға, інім
Тату-тәтті тұрамыз.

Кәне, кәне тұрайық,
Үлкен шеңбер құрайық
Барлық, барлық достармен,
Амандасып алайық (қасындағы тұрған баланың қолынан алады),
Біз үлкен де бола аламыз (қолдарын жоғары көтеріп, аяқтың ұшына тұрады),
Кішкентай да бола аламыз (қолды төмен түсіріп, отырады),
Бірақ ешкім жалғызсырамас (сұқ саусақтарын көтеріп, оңға, солға жүргізіп, басын шайқайды).
Достарының қасында (қасындағы баланың иығынан ұстайды),
Бәрі міне, осында!

Ұя жасап тақтайдан,
Тал басына байладым.
Жыл құсының шаттанып,
Сайрағанын тыңдадым.

Дөп-дөңгелек ала доп,
Қызыл, жасыл, сары, көк.
Ала шықтым аулаға,
Ойнайтұғын бала көп.

Бас бармағым-әкем,
Балан үйрек-анам,
Ортан терек-ағам,
Шылдыр шүмек-мен,
Кішкене бөбек-сен.
Бойыңды сергек, тік ұста,
Емін-еркін тыныста.
Деміңді ішке тез ал да,
Сол қолыңды соз алға.
Қол ұшына қара да,
Үшбұрыш сыз ауада.
Оң қол да бос тұрмасын,
Шеңбер сызып зырласын.


Бір саусағым тіпті де,
Ұстай алмас жіпті де.
Екі саусақ бірікті,
Ине қолға ілікті.
Үш саусағым орамды,
Жүгіртеді қаламды.
Бәрінен де он саусақ,
Қала салсақ, жол салсақ.


Қоюланып қара бұлт,
Жаңбыр жауды себелеп,
Жапырақты жамылып,
Жата қалды көбелек.


Желкілдеген желменен,
Жел егінді тербеген.
Өсірді оны дихандар,
Тамшылаған терменен.

Бұғының үйі бар екен,
Терезеден қарайды.
Достым, достым бері кел,
Қолыңды маған бере көр.

Тікірейіп құлағы,
Менен бұрын тұрады.
Біресе керіледі, біресе созылады,
Біресе беті-қолын жуады.

Сылдырайды мөлдір су,
Мөлдір суға қолыңды жу.
Жуынсаң әрдайым,
Таза бетің, маңдайың.

Дала қандай керемет,
Қойның гүлге толады.
Қызыл-жасыл көбелек,
Бір ұшып, бір қонады.

Ал, балалар, тұрайық,
Айналаны қарайық.
Жауқазындай жайқалып,
Бәйшешектей иіліп
Сәл тынығып алайық,
Қанеки, балалар,
Жүгірейік қырға біз,
Даланың әсем гүлдерін,
Аялайық, қорғап біз.

Біз бүгінгі кіп-кішкентай баламыз.
Бақыттымыз әсем әнге саламыз.
«Айналайын» деген сөзден нәр алып,
Күні ертең-ақ жарық күндей жанамыз.
Отанымыз-Қазақстан,
Жер жаннаты ғажапстан
Еркін өсіп саяңда,
Шаттанамыз шырқап ән.

Қане, қане, тұрамыз,
Үлкен шеңбер құрамыз.
Қоян болып секіріп,
Орнымызды табамыз.

Қорбаңдаған аюдың,
Құлпынайы көп екен.
Теріп-теріп алайық,
Себетімізге салайық.

Саусақтарым өнерлі,
Ұршық иіре біледі.
Саусақтарым дем алсын,
Шапалақтап қуансын.

Қол ұстасып тұрайық,
Шеңберді біз құрайық.
Көріскенше күн жақсы,
Сау-саламат болайық.

Ертоқымды аламын,
Аттың үстіне қоямын,
Сол аяқты үзеңгіге саламын.
Атқа мінемін,
Тізгінді ұстаймыын
Қолыма қамшы аламын,
Шабамын (дыгыдык, дыгыдык).

 

Әжем менің өнерлі,
Жастық тігіп береді.
Ою салып шетіне,
Үзік іліп береді
Әдемі, әдемі.
Жастық қандай әдемі,
Тәтті ұйқыға батып,
Ұйықтағым келеді.

Қоюланып қара бұлт,
Жаңбыр жауды себелеп.
Жапырақты жамылып,
Жата қалды көбелек.

Қазым-қазым қаңқ-қаңқ
Қанатыңды қақ-қақ,
Биік самға аспанға,
Қанатыңды кең жайда.

 

Орнымыздан тұрамыз,
Қолды белге қоямыз.
Бұрыламыз оңға бір,
Бұрыламыз солға бір.
Гүл-гүл жайнап жанымыз,
Жаттығулар жасайық.
Жақсы сергіп қаламыз.

Гүл болам,
Шаршағанда ырғалып,
Гүлге ұқсап демалам.
Қанатымды бір қағып,
Гүлдей болып жайқалам.

Құлпыра берші кең дала,
Гүлдеріңді терейін.
Жапырағыңмен жасыршы,
Құшағыңа енейін.

Бойды сергек тік ұста,
Емін-еркін тыныста.
Оң қолыңды соз алға,
Қол ұшына қарада,
Үшбұрыш сыз ауада.
Сол қол босқа тұрмасын,
Шеңбер жасап тынбасын.

Жалғыз саусақ тіпті де,
Ұстай алмас жіпті де.
Екі саусақ бірікті,
Ине қолға ілікті.
Үш саусағым орамды,
Жүгіртеді қаламды.
Өнерлі екен он саусақ,
Қала салсақ, жол салсақ.

Күн төккен нұрынан,
Биік болып өсеміз.
Денемізді тік ұстап,
Дөңгелене билейміз.
Бір, екі, үш
Құстай қанат қағамыз.
Бір, екі, үш
Қарлығаш боп ұшамыз.


Керегедей тізіліп,
Шеңбер құрып тұрайық!
Уық болып шаншылып,
Шаңырақты құрайық,
Киіз үйге ұқсадық,
Ойнымызды бастадық.

Көтеріліп шаңырақ,
Уықтары шаншылар
Керегелер керіліп,
Өрімдей боп өрілер,
Бәріміз жүрсек айналып,
Киіз үй боп көрінер.

Қасқыр ағаш жарады,
Түлкі кілем қағады.
Елік тамақ пісіріп,
Қоян нанды жабады.
Кірпі көйлек тоқиды,
Тиын сабақ оқиды.

Пікір беру