Мұғалімдер сайты
Негізгі бет / Жаңалықтар
15 август 2016
632
0

Ауыл мұғалімдері де "Болашақ" бағдарламасының ситпендиясына ие бола алады

Ауылдағы мұғалімдер енді «Болашақ» бағдарламасының стипендианты атана алады. Мұндай эксклюзивті жаңалықпен Халықаралық бағдарламалар орталығының президенті Ғани Нығыметов бөлісті. Қазір ұстаздарға арналған квотаны берудің талаптары талқылануда - дейді BAQ.kz тілшісі 24.кз-ке сілтеме жасап.

Жамбыл облысының тумасы. Қазақы ауылда өскен қара торы бала сонау Лондонның Куин Мэри уинверситетін ақпараттық технология мамандығы бойынша тәмамдап келген. Қазір шекара асып, шетелде алған білімімен Ақмола облысы Целиноград ауданының Қызылсуат ауылындағы нөмірі 39 орта мектептің оқушыларына дәріс беріп, бала оқытып жүр. Информатика пәнінің мұғалімі.

"Қазір көбісінде өздерінде гаджеттері бар. Айпад болсын, самсунг болсын небір түрі планшеттер, смартфондар бар. Солар арқылы көптеген ойын ретінде жеткізетін немесе балаларды қызықтыратын программалар бар. Әдейілеп программированиені үйретеді - дейді жас маман Айтмұхамед Қалмаханов.

Жас та болса Айтмұхамедтің пайымы терең, парасаты биік. Ойлы сөзінен оқушының пәнге деген қызығушылығын ояту үшін түрлі әдістер тауып, ұдайы ізденіс үстінде жүретінін аңғардық.

"Негізі басында келгенде кітаппен де оқыттым. Планшеттермен гаджеттермен де оқыттым, сол кезде өздерінен сұрадым. Не қайсысы ұнайды? Қайсысы қызық? Нені көп білесіңдер? Негізі көбі гаджеттреді таңдады - дейді ол.

Болашақ бағдарламасы жүзеге асырыла бастағалы 23 жыл өтіпті. Осы аралықта Айтмұхамед сияқты шетелге барып білім алып келгендер аз емес. «Халықаралық бағдарламалар орталығы» мамандарының айтуынша, бакалавриат бойынша Ұлыбритания мен Америкаға оқуға барғандар көп. 23 жыл ішінде 12 000 талапкер Болашақ бағдарламасының стипендианты атанған. Олардың қатарына бакалавр, магистр және докторанттар да кіреді. Оқуды түгескен түлектердің 9 мыңы қазір елімізде еңбек етуде. Білімін ұштап жүрген тағы 1 500 бар. Бұдан басқа 600 студент стипендиядан өз еркімен бас тартса, тағы алты жүзі стипендиядан айырылған. Оған студенттің өзі кінәлі, оқу үлгерімі нашар.

"Бізде 70-ке жуық стипендиат бар. Олар ауылдық квота бойынша барған үміткерлкерлер болатын. Олар сол ауылдық мектепті бітіріп, өздерінің аттестатын көрсетіп бізге, біз арқылы квоталық санат бойынша өтіп, тілдік курс алып, оқып келгеннен кейін ауылға қайтып баруға міндетті. Ол шартта көзделген - дейді «Халықаралық бағдарламалар орталығы» АҚ президенті Ғани Нығыметов.

Сөзін одан ары сабақтаған орталық басшысы болашақ бағдарламасының оң әсерін байқағандығын, алдағы уақытта ауылдағы мұғалімдерге де квота беруді көздеп отырғандықтарын жеткізді.

"Мысалы ауылдық мектепте жұмыс істеген екі жылдық тәжірибең болса, бізге келіп Болашақ арқылы жеңілдікпен түсе аласың, магистратураға. Осындай жаңа квота магистратураға ашылайын деп отыр. Сондай шешім қабылданайын деп отыр Республикалық комиссияның отырысында. Қабылданса міндетті түрде ауылға барып, өңірлерге барып осы ақпаратты таратамыз - дейді Ғани Нығыметов.

Ғани Нығыметовтің айтуынша, квотамен оқуға ниетті мұғалімнің қай пәннен сабақ беретіні бәрібір, жас шамасына да шектеу жоқ. Сондай-ақ, шетелдегі оқуын бітіріп келген ұстаз ауылға қайтып барса да, қала мектебінде қалса да қалау өзінен. Басты талап - елге қайта оралып, халқына қалтқысыз қызмет етуге міндетті.

 

baq.kz

Пікір беру