Мұғалімдер сайты
Негізгі бет / Шығармалар
15 февраль 2017
1388
0

Шығарма "Менің Отаным - Қазақстан"

Қостанай облысы

Қашар кенті

"№2 Қашар орта мектебі"КММ

1 "Ә" сынып оқушысы

Бегім Асхат Мұхтарұлы

Сынып жетекші: Жусипова Камила Аллиярқызы

 

 

                                  Менің Отаным-Қазақстан

        Алдымен«Отан» деген сөзді мен қалай түсінемін. «Отан-отбасынан басталады»- демекші, менің ойымша Отан ол- отбасың.Отбасымның мықты тату болуы ата-әжеме, әке-анама және іні-қарындастарыма байланысты.Отбасымыздың әр қайсысымыздың бойында ұйымшылдық, бауырмалдылық ,ынтымақтастық, жауапкершілік сияқты қасиеттер болу керек. Сол сияқты Отанымныңда тату –тәтті өмір сүруі ең алдымен басшымызға және халқына байланысты. Менің елімнің президенті Нұрсұлтан Әбішұлы Назарбаев атамыз. Атама айтар алғысым шексіз. Себебі болашағы мендей азамматтардың өмірлеріне көптеген мүмкіндіктер ашып отыр.Қаншама қиын жағдайлар кезінде елімді аман алып жеке ел қылды.Соның арқасында біз болашағымызды жарқын қылмақпыз.

 

Елімнің , жерімнің амандығын ойлап жүрген Нұрсұлтандай атамыздың өмірі ұзақ болса деп тілеймін. Қазақстандай елімнің президенті Нұрсұлтан Әбішұлы Назарбаев. Менің Отаным Қазақстан.Әр ел,халық өз туған жерін мақтан тұтады.Менде өз кең байтақ қасиетті Қазақстанымды мақтан тұтамын.Менің елім тек қана кең байтақ емес.Оның «Қазақ жері» болып қалыптасу кезеңі де қиынға түсті.Ата-әжелерімнің айтқандарына, тарихи оқулықтарға қарағанда қаншама батырларымыз жеріміз,елімізді,салт-дәстүрімізді сақтап қалуда көптеген шайқастарды бастарынан кешкен. Соның арқасында жерімізді жаудан қорғап бізге болашақ ұрпаққа қалған асыл мұра болып,бүгінгі

 

Тәуелсіз күнімізге жетіп тұрған тарихи алтын жер деп те айтсам қателеспеймін.Осыдан 25 жыл бұрын біз тәуелсіздігімізді алып,егемен ел болдық.Енді біз Тәуелсіз елдің ұрпақтарымыз.Тәуелсіздік алғаннан кейін еліміздің экономикасы дамып, жағдайы жақсара бастады.Адамдар ғарышқа ұшып,бүкіл елге жаңадан зауыттар ашылды,еліміздің жағдайы күнен-күнге жақсарды. Жаңадан тұрғын үйлер,оқу орындары салынды. Қазақстанымыздың қалалары көркейіп басқа елмен қабырғасы тең болып келеді. Еліміздің астанасы – Астана қаласы.Қазақстанның жүрегі.Астана қаласында «Бәйтерек», «Хан шатыр», тағы да басқа көз тартарлық жерлері бар. Қазіргі кезде астанамыз мақтанышымызға айналды.Себебі көптеген саяси кездесулер,спорттық жарыстар өтіледі.

Алда жоспарлап отырған ЭКСПО-2017 көрмесі осы қаламызда өтпек.Тек қана астана қаласымен де емес өзімнің облысым Қостанайымменде мақтана аламын. Қостанай қаласы биыл 80 жылдығын тойлап үлкен атаулы мерекесін атап өтті. Қостанайымда бидайымен бай. Және де темір рудалары да өндіреді.Мен Қостанай облысы Қашар кенті деген шағын қалашықта тұрамын.Осы кентімнің өзі жылдан жылға әсемделіп келеді.жаңадан ғимараттар, сауда үйлері мектеп, және спорттық кешендер салынды. Міне елімнің көркейіп дамығанын осыдан көре аламын. Мен басқа елдерге өз еліммен,халқыммен, салт-дәстүрімді мақтанышпен айта аламын. Қазақ халқына тоқталатын болсам, мейірімді,ақ көңіл, қонақжай халық. Келген қонағын өзінің қонақжайлығымен баурап алады емеспе? Біздің елімізде 130-дан астам ұлт пен ұлыс өкілдері жасайды. Міне,осы ұлт өкілдерінің өзі бір шаңырақтын астында тату-тәтті өмір сүріп жатыр.

 

Ата – бабам айтқандай «Бірлік болмай –тірлік болмас» бірлігі бар жерде бәрі де болады. Елім әрқашанда биіктен көрінсе деп тілеймін. Көк туымыз желбіреп, елін,жерін қорғайтын азаматтары бар ел ол – Қазақстан. Қазақстан өзімен жатқан көршілес елдерімен де тату-тәтті. Бір- бірімен жақсы қарым-қатынаста. Тек халқыммен емес біліміміз бойыншада артта емеспіз.Елімізде қаншама оқу орындары бар.Қазіргі таңда оқушыларға да жағдай жасалып жүр. Соның бірі- өзім. Менде биыл 1 сынып оқушысымын.Жаңартылған біліммен оқып жүрмін.Үш тілділік пен жаңадан қосылған пәндер мен үшін өте қызықты да қуанарлық жағдай. Менің алға қойған мақсатым елімнің биіктен көрсетер азаматы болу Өзіме жүктелген міндетім-жақсы оқып,білікті маман болып, болашақ елімнің өсіп-өнуіне өз үлесімді қоссам деймін.Әр бір мен сияқты баланың арманы шығар. Өз елін биіктен көргенді армандайды ғой.

Пікір беру