Мұғалімдер сайты
Негізгі бет / Информатика
10 апрель 2018
390
0

Easy Quizzy бағдарламасында тест жасақтау

Шебер-сыныптың жоспары

 

Тақырыбы:  Easy Quizzy бағдарламасында тест жасақтау

Педагог-шебер: Мырзалыұлы Ақтөре

Болатын күні: 20.12.2017 жыл

Болатын уақыты: 15:00       

Шебер-сыныптың ұзақтығы: 20 минут

Шебер-сыныптың мақсаты: Easy Quizzy бағдарламасында тест жасау.

Міндеттері:

білімділік:

 Қазіргі заман талабы бойынша білім беруді ақпараттандырудың негізгі талаптарын пайдалана отырып Easy Quizzy бағдарламасында тест жасақтауда білім беру.

дамытушылық: Easy Quizzy бағдарламасының мүмкіндіктерін пайдалана отырып тәжірибелік дағдысын, шығармашылық қабілетін дамыту.

тәрбиелік: Easy Quizzy бағдарламасында электронды оқулықты жасау кезеңдерін түсіндіре отырып, жас мамандарды жеке жұмыс жасауға, жауапкершілікті сезіне білуге, нәтижеге жетуге, ізденімпаздыққа жетелеу.  Жабдықтар: ДК, планшет, проектор.

Таратылатын материалдар: Көмекші визитка, анықтама қағаздары.

Шебер-сынып құрылымы

1.Кіріспе бөлім: Қазақстанның дамуына өз үлесін қоса алатын, жан-жақты дамыған,  бәсекеге қабілетті тұлғаны дайындап, тәрбиелеу үшін ізденімпаз, жаңашыл, үнемі өз білімін жетілдіріп, сапалы білім берудің жолдарын іздестіріп, «Оқыту үшін оқу», - деген мақсатты алған оқытушылар қажет. Елбасымыздың Жолдауында: «Білім сапасы бірінші кезекте сапалы даярланған педагогтармен айқындалады, олар бұл білімдерін әртүрлі әдістер арқылы білім алушыларға береді», - делінген. Осыларды негізге ала отырып,  ұстаз білім алушының өз мамандығының қажеттілігін жете түсінуін, бағалауын ұғындыру аса маңызды. Білім алушылардың өздігінен орындайтын жұмыстарының бірі – тапсырмалар жүйесі. Мұндағы мақсат – әр оқушы бойына сенімділік, өзіне жауап беру қабілетіне сүйену, ар-намыс және өзін-өзі сыйлау қасиеттерін дамыту болып табылады. Білім алушылар сабақ барысында өткізілген тақырыптар бойынша қосымша мәліметтер(баспа материалдары, Интернеттен) ізденіп, өзіндік  жұмыстар, рефераттар, баяндамалар, презентациялар жасап, жинақтайды, алған білімдерін бағалау үшін тест тапсырмаларын орындайды. Тапсырмаларды орындау барысында қай бағдарламада, қалай жасалғанын түсіну арқылы болашақта қолданады. Қазіргі кезде тест тапсырмаларын  құрастыру бағдарламалары аз емес. Соның  ішінде Easy Quizzy бағдарламасына назар аударайық.

2.Негізгі бөлім: Әзірлеуші Netcrate Software тесттер мен викториналарға өте қарапайым қажеттіліктерді қанағаттандыру үшін Easy Quizzy бағдарламасын әзірледі. Интерфейс қарапайым және түсінікті, тест жасау да көп уақыт алмайды.  Жоба авторлары – Андрей Шкуропий және Илья Полсаков. Украинада жасалған. Easy Quizzy бағдарламасын күнделікті сабақта аз уақыт ішінде оқушылардың білімін тексеруге, емтиханға дайындық кезінде, жоғары оқу орындарында студенттердің қорытынды білімдерін тексеруге және т.б қолдануға өте ыңғайлы программаның бірі. Компьютерде орнатылған бұл бағдарлама көмегімен тесттер мен викториналарды құру оңай және жылдам болып табылады және оны кез келген Windows плотформасында ашуға мүмкіндік береді. Мұнда сұрақтардың көлеміне ешқандай шектеулер жоқ және әрбір сұрақта бірнеше жауап болуына мүмкіндік береді. Easy Quizzy бағдарламасында құрылған тесттердің ашылуы үшін басқа бір қосымша программаларды орнатуды қажет етпейді. Бұл тесттерді USB флеш жетегінен, компакт дискіден көшіріп, электрондық пошта арқылы жіберуге  немесе барлық компьютерлерге көшіруге болады. Тестті ашу үшін файлды іске қосу жеткілікті. EasyQuizzy тест редакторы  тестті орыс, украин, белорус, қазақ, удмурт, өзбек, тәжік, татар, армян,грузин және т.б 21 тілде құруға мүмкіндік береді.Тестте сұрақтардың келесі түрлері қолданылады: баламалы(альтернативный) таңдау, бір дұрыс жауапты таңдау, бірнеше дұрыс жауаптарды белгілеу, дұрыс ретпен сәйкестігін белгілеу және еркін жауап. Сұрақ пен жауап құрамына сурет, формула (Microsoft Equation және Design Science MathType формулалар редакторы бар) және арнайы таңбаларды қоюға болады.

 

  1. Қорытынды бөлім: Бүгінгі күнде қоғамның дамуының жетекші бағыттарының бірі – білім беру үрдісін информатизациялау болып табылады. Ол – оқу тәрбиелік үрдісінің барлық деңгейлерін интенсификациялау үшін педагогикалық жаңа технологияларды, информатиканың тәсілдері мен құралдарын қолдануын болжайды. Қазіргі информацияланудың өзіне тән ерекшелігі – білім беру өрісіне белсенді түрде кіру, арнайы оқытатын ортаны құруға бағытталған оқытудың жаңа технологияларының пайда болуы мен дамуы, информациялық өнімді пайдаланатын жаңа тәсілдермен құралдарды оқу үрдісінің заңдылықтарына сәйкес қолдану болып табылады. Оқытуды информатизациялау деген ұғым оқытуда компьютердің пайда болып, кеңінен қолдануымен тікелей байланысты. Егер біз қазір әлемдік деңгейде дамыған елдердің өсу-өркендеу жолына зерделей қарайтын болсақ, олардың қай кезеңдерде де, қандай жағдайда да жастар тәрбиесін алдыңғы қатарға қойып, әсіресе білім беру жүйесін жыл өткен сайын жетілдіріп отырғандығына айқын көз жеткіземіз. Қазір білім беру жүйесін дамытып, оның мақсаты мен мазмұнын да, әдістері мен технологияларын да түпкі нәтижелерге қарай бағалайтын уақыт жеткендігі баршаға аян. Қазір мектеппен, мұғалімдермен оқушыларға білім беріп қана қоймай, олардың бойында бағдарламаның дағдалар мен икемділіктерін қамтамасыз етуге үйрету талап етілуде. Өткен ұрпақ үшін оқулықтың маңызы қандай болса, компьютерде оқушы үшін қоршаған әлемді танудың табиғи құралы болып табылады. Олай болса, барлық сабақтарды соның ішінде информатика сабақтарында, компьютердің қуаттауымен жүргізуді үйрену бүгінгі күннің кезек күттірмейтін өзекті мәселелерінің бірі екені күмәнсіз, сол себепті «Easy Quizzy бағдарламасында тест жасақтау» тақырыбында мастер класс ұйымдастырылды.

 Қойылған міндеттерді жүзеге асыру және мақсаттарға жетуді тексеру төмендегілермен жүзеге асады:

Шебер-сынып жүрісі:

  1. Кіріспе бөлім: Әзірлеуші Netcrate Software тесттер мен викториналарға өте қарапайым қажеттіліктерді қанағаттандыру үшін Easy Quizzy бағдарламасын әзірледі. Интерфейс қарапайым және түсінікті, тест жасау да көп уақыт алмайды. Жоба авторлары – Андрей Шкуропий және Илья Полсаков. Украинада жасалған. Easy Quizzy бағдарламасын күнделікті сабақта аз уақыт ішінде оқушылардың білімін тексеруге, емтиханға дайындық кезінде, жоғары оқу орындарында студенттердің қорытынды білімдерін тексеруге және т.б қолдануға өте ыңғайлы программаның бірі. Компьютерде орнатылған бұл бағдарлама көмегімен тесттер мен викториналарды құру оңай және жылдам болып табылады және оны кез келген Windows плотформасында ашуға мүмкіндік береді. Мұнда сұрақтардың көлеміне ешқандай шектеулер жоқ және әрбір сұрақта бірнеше жауап болуына мүмкіндік береді. Easy Quizzy бағдарламасында құрылған тесттердің ашылуы үшін басқа бір қосымша программаларды орнатуды қажет етпейді. Бұл тесттерді USB флеш жетегінен, компакт дискіден көшіріп, электрондық пошта арқылы жіберуге немесе барлық компьютерлерге көшіруге болады. Тестті ашу үшін файлды іске қосу жеткілікті. EasyQuizzy тест редакторы  тестті орыс, украин, белорус, қазақ, удмурт, өзбек, тәжік, татар, армян,грузин және т.б 21 тілде құруға мүмкіндік береді.Тестте сұрақтардың келесі түрлері қолданылады: баламалы(альтернативный) таңдау, бір дұрыс жауапты таңдау, бірнеше дұрыс жауаптарды белгілеу, дұрыс ретпен сәйкестігін белгілеу және еркін жауап. Сұрақ пен жауап құрамына сурет, формула (Microsoft Equation және Design Science MathType формулалар редакторы бар) және арнайы таңбаларды қоюға болады.

 

  1. Негізгі бөлім:

Бағдарламаны орнату әрекеті:

Программада жұмыс жасамас бұрын оны қондыру керек. Ол үшін Easy Quizzy – 2.0 – installer белгішесіне шертіңіз. Компьютердегі жүйе орнатуды бастау үшін оны пастауды сұрайды ОК батырмасын басыңыз, кейінгі қадамда орнату тілін сұрайды орыс тілін таңдаңыз да ОК батырмасын басыңыз. Установка Easy Quizzy сұқбат терезесінде Далее батырмасын басыңыз, келесі қадамда “Я принимаю условия соглашения” қосқышына қойып Далее батырмасын екі рет және “ Завершить” батырмасын басыңыз. Автоматты түрде Жұмыс үстеліңізде белгішесі (ярлык) пайда болады, осы белгішені екі рет шерту арқылы аша аласыз.

Тест туралы ақпарат қалташасында Тест айнымалы: өрісіне пән атауын енгізіңіз. Тест сипаттамасы өрісіне тест туралы негізгі ақпаратты енгізуге болады. Автор өрісіне өзіңіздің аты –жөніңізді жазыңыз

Easy Quizzy бағдарламасының терезесі

 

Сұрақтар мен жауаптар қалташасында Сұрақтың типі үнсіздік келісім бойынша Дара таңдау болып тұрады. Сұрақ бөлімінде сұрақтың мәтіні жазылып, жауаптар нұсқасы бөлімдеріне сәйкесті жауаптарды жазыңызда дұрыс жауаптың астындағы орналасқан “Дұрыс жауап” деген қосқышты қосыңыз (белгілеңіз). Жауап нұсқасы төртеуден көп болса төменгі жақтағы “Жауап нұсқасын қосу” батырмасы арқылы қоса аласыз. Келесі тест сұрағын қосу үшін сол терезенің сол жақ бөлігінде орналасқан “Сұрақ қосу” батырмасын шертіңіз

Сұрақтар мен жауаптар терезесі.

Енді сұрақтың типін өзгертейік: Альтернативный вопрос (Polar Question) нұсқасын таңдаңыз да ИӘ ( орысша Да және Нет деген сөздерді қазақшаға аударып жазыңыз) немесе ЖОҚ деген жауап бере алатындай сұрақ жазыңыз да дұрыс жауабын белгілеңіз.

Сұрақтар мен жауаптар терезесі

Тесттің үшінші сұрағын “Бірнешеуін таңдау” типі арқылы жасайық. Сұрақтың типі тізімін ашып сәйкесті типті таңдаңыз. Сұрақты енгізіп, оның бірнеше дұрыс жауабын белгілеуге болатындай етіп дұрыс жауаптар ды бірнеше нұсқаға бөліп тастаңыз.

Ескерту: барлық жауаптар дұрыс болып кетпесін, арасында қате жауапты қосыңыз.

Тесттің төртінші сұрағын “Дұрыс тізбекті орнату” типін пайдаланып жасайық. Сұрақтың типін сәйкесті “Дұрыс тізбекті орнату” деп таңдаңыз. Сұрақты енгізгеннен кейін “Жауаптар нұсқасы” бөліміне дұрыс жауапты жазыңыз.

Сәйкестікті орнату типін таңдаңыз. Ол арқылы сәйкестендіру тестін жасауға болады. Сұрақты жазып “Жауаптар нұсқасы” бөлімінде пікір немесе анықтаманы жазып жанындағы тұрған өріске дұрысжауабын жазыңыз. “Еркін жауап” (свободный ответ) типін қолдасаңыз тестіленуші сұраққа еркін түрде мәтінмен немесе сан енгізу арқылы жауап бере алады.

Сұрақтар мен жауаптар терезесі.

Тесті баптау бөлімінде (настройки теста) сіз құрылып отырған тестті баптай аласыз. Терезенің стандартты тақтасындағы “Сақтау және іске қосу” батырмасын басып, тесттен өту программасын шақырып тесттен өтуге болады. Өз атыңызды енгізіңіз де “Тесттің басталуы” батырмасын басу арқылы бастаңыз. Терезедегі сұрақтарға жауап бергеннен кейін “Жауапты қабылдау” батырмасын басып келесі сұраққа өтіңіз. Сұрақтың жауабын білмеген жағдайда “Өткізіп жіберу” батырмас арқылы өткізіп жіберіңіз де сол жауап берілмеген сұраққа “Қайтып оралу” батырмасы арқылы қайта оралуға болады немесе сұрақтар біткенде программа автоматты түрде сол сұрақтың жауабын сұрайды

 

  1. Қорытынды бөлім: Біз сіздермен, Easy Quizzy бағдарламасымен тест жасауды, онымен қалай жұмыс жасауды үйрендік. Алдағы уақытта, осы білімдеріңізді пайдалана отырып, әр мұғалім өз пәніне арнап тест жасауға мүмкіншілігі бар.

 

ПАЙДАЛАНҒАН ӘДЕБИЕТТЕР

  • «Адам және компьютер», Нақисбеков Б. Алматы, 1986 ж.(15).
  • Оқытудың компьютерлік программаларын кұру технологиясын жетідіру.     Халықаралық ғылыми-әдістемелік конференцияның еңбектері.  Шымкент.2004 ж.(446).
  • Психологиялық тестілеу.  Анастаси А., Урбина С. СПб., 2002жыл (14).
  • Педагогика журналы №2-2009ж. (19-20).
  • "Дамыта оқыту технологиялары" Б.Тұрғынбаева. Оқу-әдістемелік құрал. Алматы,2000 (41).
  • "Педагогика" Ж.Б.Қоянбаев, Р.М.Қоянбаев, Алматы, 2002ж (8-9).
  • "Жаңа технологиялар-сабақта ". Л.Аяғанова . 4-2003ж.(63).

 

 

 

Шебер-сынып жоспарының құрылымы:

  • Тақырыбы.
  • Шебер-сыныптың мақсаты мен міндеттері.
  • Күтілетін нәтиже.
  • Шебер-сынып жүрісі.
  • Әдістер мен тәсілдер.
  • Өткізу ұзақтығы, уақыты.
  • Керекті құрал-жабдықтар.
  • Әдебиеттер тізімі.
Пікір беру